Սխալ պրակտիկան, որն այսօր ունենք, որ զորակոչիկները պարտադիր ծառայություն են անցնում տարբեր գերատեսչություններում, այլևս չի լինի, և դա, իհարկե, չի ծառայում երկրի համար պատրաստված ռեզերվ ստեղծելու նպատակին,- ասել է Վրաստանի պաշտպանության նախարար Ջուանշեր Բուրճուլաձեն՝ Պաշտպանության նոր օրենսգրքի մասին խոսելիս:

Նրա խոսքով, նոր «Պաշտպանության օրենսգիրքը» այնպիսի պայմաններ է ստեղծել, որ ուսանողների կողմից պահանջարկը շատ ավելի մեծ կլինի:

«Հաշվի ենք առել բուհում սովորելու ընթացքը, մեր ուսանողներին հնարավորություն ենք տվել ուսման ընթացքում ճկուն համակարգի միջոցով արձակուրդներին տարեկան մեկ ամիս անցնել պարտադիր ծառայություն։ Ավելին, եթե երիտասարդն ունի բարձրագույն կրթություն և կամավոր չի օգտվել այն ծրագրից, որն առաջարկում ենք բարձրագույն կրթության ընթացքում, ավարտելուց հետո մենք առաջարկում ենք նաև ավելի ճկուն ծրագիր։ Ցանկացած քաղաքացի կարող է օգտվել ծրագրից և գրանցվել պահեստազորում, միաժամանակ հարմարավետ պայմաններ ենք ստեղծելու, որպեսզի նրա գործունեությունը չտուժի և այլ ֆինանսական վնասներ չստանա։ Մենք չնահանջեցինք, բայց այնպիսի պայմաններ ստեղծեցինք, որ կարծում ենք՝ ուսանողներից շատ ավելի պահանջարկ կունենանք, քան ամեն տարի»,- ասել է Ջուանշեր Բուրճուլաձեն։