«Ջոնսոն էնդ Ջոնսոն» ընկերությանը պարտավորեցրել են սպառողներից մեկին վճարել 29 մլն. դոլար
Կալիֆոռնիայի երդվյալ ատենակալների դատարանը «Ջոնսոն էնդ Ջոնսոն» ընկերությանը պարտավորեցրել է սպառողներից մեկին վճարել 29 մլն. դոլար: Խոսքը վերաբերում է մի կնոջը, որի հայտարարությամբ ընկերության արտադրանքից օգտվելուց հետո նրա մոտ առաջացել է ուռուցք, կոնկրետ մեսոթելիոմա:
Կալիֆոռնիայի դատարանի վճիռը վերջիններից է, որը վերջին տարիներին ներկայացվել է ընկերության դեմ: Ընդհանուր առմամբ ընկերության դեմ մտցված է 13 հազար հայց:
«Ջոնսոն էնդ Ջոնսոնի» ներկայացուցիչները հայտարարում են, որ հուսահատվել են վճռից և պատրաստում են բողոքարկել այն:
Ընկերությունը բացառում է, որ իրենց արտադրանքը առաջացնում է ուռուցք: