Ամերիկացի կոնգրեսական Ջո Ուիլսոնը ուղերձ է տարածում «Վրաստանի միջազգային ընկերների» անունից։

Ամերիկացի կոնգրեսականի խոսքով, ամերիկացի և եվրոպացի օրենսդիրները, նախկին պաշտոնյաները կոչ են անում ազատ և ժողովրդավարական կառավարություններին պահանջել ազատ և արդար ընտրություններ Վրաստանում և մերժել Իվանիշվիլիի անօրինական ռեժիմը։

Ստորագրողները կոչ են անում ազատ և ժողովրդավարական կառավարություններին հանդիպումներ չանցկացնել ըստ իրենց, անօրինական ռեժիմի հետ, քանի դեռ վերջինս չի համաձայնել նոր, պատշաճ վերահսկվող ընտրությունների անցկացմանը:

Նրանք կոչ են անում ժողովրդավարական կառավարություններին միասնական պատժամիջոցներ կիրառել Իվանիշվիլիի ռեժիմի, «Վրացական երազանքի» անդամների և քարոզիչների նկատմամբ, որոնք, ըստ նրանց, խաթարում են Վրաստանի ժողովրդավարությունն ու ինքնիշխանությունը։

Իվանիշվիլիի «Վրացական երազանք» կուսակցությունը նախընտրեց անտեսել ընդդիմության և միջազգային դիտորդների օրինական մտահոգությունները վերջին ընտրությունների վերաբերյալ, հիմնեց միակուսակցական օրենսդիր մարմին և միակողմանի ընտրեց նոր նախագահ: Նրանք դաժանորեն արձագանքեցին գիշերային ցույցերի ժամանակ հարյուր հազարավոր ցուցարարներին: Վրաստանի բնակչությունը պահանջում է ազատ և արդար ընտրություններ, և մենք պետք է կանգնենք նրանց կողքին»,- ասված է ուղերձում։

Կոնգրեսական Ջո Ուիլսոնի կոչը ստորագրված է 43 հոգու կողմից։