Ամերիկացի կոնգրեսական Ջո Ուիլսոնը հայտարարում է, որ ինքը և երեք գործընկերները 119-րդ Կոնգրեսին կրկին ներկայացրել են Վրաստանի վերաբերյալ «Բարեկամական ակտը»։

ԱՄՆ Կոնգրեսի Ներկայացուցիչների պալատի անդամը սոցցանցում գրում է, որ օրինագիծը ներկայացրել է Սթիվ Քոհենի, Ռիչարդ Հադսոնի եւ Մարկ Վիսի հետ միասին։

«Մեր առաջնահերթ խնդիրն է համոզվել, որ վրացական մղձավանջն կավարտվի, և ագրեսորների առանցքը կդադարեցնի ահաբեկել Վրաստանի ժողովրդին»,- ասում է Ջո Ուիլսոնը:

«Բարեկամական ակտն» արտացոլում է Վրաստանի կառավարության պաշտոնյաների դեմ պատժամիջոցները։

«The Hill» հրատարակությունը գրում է, որ կոնգրեսական Սթիվ Քոհենը կներկայացնի օրենսդրություն, որը հաստատվելու դեպքում արգելելու է ԱՄՆ-ին ճանաչել «Վրացական երազանքը» որպես Վրաստանի օրինական իշխանություն։ Ինչպես նշում է «The Hill»-ը, Ջո Ուիլսոնին լրագրողները հարցրել են, թե ինչու օրինագիծը չի ընդունվել նախորդ Կոնգրեսում, ինչին ի պատասխան Ուիլսոնը պատասխանել է, որ «շատ այլ բաներ կային, որոնք օրակարգում էին, այն չի անտեսվել, բայց ակնհայտ է, այն այժմ ուշադրության կենտրոնում է լինելու։ «The Hill»-ը հայտնում է, որ ըստ Կոնգրեսի աշխատակազմի, Ներկայացուցիչների պալատի խոսնակ Մայք Ջոնսոնն աջակցում է օրենսդրությանը, և ջանքեր են գործադրվում այն ​​ներառելու մարտին կառավարության ֆինանսավորման հիմնական օրինագծերից մեկում: