Ջո Բայդենը ստորագրել է Շվեդիայի և Ֆինլանդիայի՝ ՆԱՏՕ-ին միանալու մասին արձանագրությունը
Ամերիկայի Միացյալ Նահանգների նախագահը ստորագրել է ՆԱՏՕ-ին Շվեդիայի և Ֆինլանդիայի միանալու արձանագրությունը։
«Ամերիկան, Շվեդիան և Ֆինլանդիան միասին կշարունակեն զգոն լինել անվտանգության մարտահրավերների առջև, զսպել սպառնալիքները և դիմակայել ագրեսիային, եթե այն առաջանա»,- ասել է Ջո Բայդենը Սպիտակ տանը ստորագրման արարողության ժամանակ։
Ամերիկայի նախագահը ՆԱՏՕ-ի դաշնակիցներին կոչ է արել չհետաձգել արձանագրության ստորագրման գործընթացը։
Ամերիկայի Միացյալ Նահանգները դարձավ 23-րդ երկիրը, որը ստորագրեց Շվեդիայի և Ֆինլանդիայի արձանագրությունը։ Շվեդիան և Ֆինլանդիան ՆԱՏՕ-ին` դաշինքին միանալու հայտ են ներկայացրել մայիսի 18-ին։