Անկախ պատգամավոր Դավիթ Բաքրաձեի գնահատմամբ, Բիձինա Իվանիշվիլիի հայտարարությունը հաստատում է, որ նա իրականում չի հեռացել քաղաքականությունից:

«Այս նամակը ևս մեկ անգամ ապացուցում է, որ իրականում Բիձինա Իվանիշվիլին ոչ մի տեղ չի գնացել, նա վերահսկում է իրավիճակը, «Վրացական երազանքում» ստեղծված իրավիճակը, և այս կուսակցության աջակցությունն ամբողջությամբ կախված է Բիձինա Իվանիշվիլից և նրա դիրքորոշումից: Ներքին մեղադրանքները պակաս հետաքրքիր են հասարակության համար, և ով ում կողմ է թեքվում, գլխավորն այն է, որ երկրում ստեղծված հսկայական խնդիրների համար մեղավոր են իշխանության բոլոր ղեկավարները և գործող և ոչ գործող, գնացած թե հետ եկած: Այսպիսով, լուծումը ոչ թե էպիստոլյար ժանրի մեջ մտնելն է և ընտրելը, թե ով է ավելի մեղավոր, այլ լուծումը իշխանափոխության մեջ է: Դա հնարավոր է դառնում ինքնակառավարման մարմինների ընտրությունների և Շառլ Միշելի բանաձևի միջոցով, որով մենք պետք է նախ հաղթենք «Վրացական երազանքին» ինքնակառավարման մարմինների ընտրություններում, իսկ հետո գնանք արտահերթ խորհրդարանական ընտրությունների», – ասել է Դավիթ Բաքրաձեն:

«Վրացական երազանք-ժողովրդավարական Վրաստան» կուսակցության հիմնադիր, Բիձինա Իվանիշվիլին այսօր հայտարարություն է տարածել Գիորգի Գախարիայի վերաբերյալ: Ըստ Բիձինա Իվանիշվիլիի, Գախարիայի փետրվարյան գործողությունը դավաճանություն էր իր թիմի ու պետության նկատմամբ:

Միևնույն ժամանակ, «Հանուն Վրաստանի» կուսակցության նախագահ Գիորգի Գախարիան սոցիալական ցանցում արձագանքել է Իվանիշվիլիի հայտարարությանը: Ըստ նրա, «իրադարձությունները զարգանում են սպասվածից հետաքրքիր ու արագ եղանակով, ոչ ոք և ոչինչ չի կարող կանգնեցնել ճշմարտությունը»: