Իսրայելը այսօրվանից կդադարեցնի մարդասիրական օգնությունը Գազայի հատվածին
Իսրայելը այսօրվանից դադարեցնում է մարդասիրական օգնության մուտքը Գազայի հատված։ Ինչպես պարզաբանել են վարչապետի աշխատակազմում, սա պատասխան է ՀԱՄԱՍ-ի մերժմանը, որը չի ցանկանում երկարաձգել առաջին փուլը։
Կողմերը չեն կարողանում համաձայնության գալ համաձայնագրի հաջորդ քայլերի շուրջ։ Կեսգիշերին ավարտվեց համաձայնագրի առաջին փուլը։ Իսրայելը ցանկանում էր երկարացնել այս փուլը, որպեսզի կարողանա վերադարձնել պատանդներին, որոնք դեռևս պահվում էին ՀԱՄԱՍ-ի կողմից նույն փուլում:
ՀԱՄԱՍ-ը ցանկանում է սկսել երկրորդ փուլը, որտեղ կողմերը ժամանակավոր հրադադարը կփոխարինեն մշտականով, իսկ իսրայելական ուժերը կհեռանան Գազայից։ Որից հետո Համասը մնացած պատանդներին կհանձնի Իսրայելին։
Համասը Իսրայելի կողմից մարդասիրական օգնության մուտքի արգելափակումն անվանել է «ռազմական հանցագործություն» և Իսրայելին մեղադրել է համաձայնագիրը խախտելու փորձի մեջ:
Նախկինում ԱՄՆ հատուկ ներկայացուցիչ Սթիվ Ուիթկոփն առաջարկել էր կողմերին երկարաձգել հրադադարի ռեժիմը, քանի որ պարզ դարձավ, որ մշտական բանակցությունների համար ավելի շատ ժամանակ է անհրաժեշտ։ Իսրայելը երկարաձգեց այս ռեժիմը վեց շաբաթով։