Թբիլիսիի պարեկային ոստիկանության պետ Վաժա Սիրաձեի հայտարարությամբ, իրավախախտման դեպքում ոստիկանությունը կձեռնարկի օրենքով նախատեսված համապատասխան անհապաղ միջոցներ։

Ինչպես Վաժա Սիրաձեն լրագրողներին ասել է «Ազգային շարժման» հանրահավաքի ժամանակ, ոստիկանները տեղում են հասարակական կարգը պաշտպանելու համար։

«Ոստիկանությունն այստեղ է՝ հասարակական կարգը պաշտպանելու, քաղաքում հասարակական կարգն ապահովելու համար։ Այս ամենի մասին հայտարարություն է տարածել ՆԳ նախարարությունն ու բոլորին բացատրել հանրահավաքների ու ցույցերի մասին օրենքը, թե որն է խախտում, ինչը ոչ։ Այդ իսկ պատճառով ոստիկանությունն այստեղ է, և ոստիկանությունը օրենքի խախտման դեպքում կձեռնարկի օրենքով նախատեսված համապատասխան անհապաղ միջոցներ։ Մենք ոչ մեկին թույլ չենք տա կաթվածահար անել քաղաքը»,- ասել է Վաժա Սիրաձեն։