Իրանի հեղափոխական պահապանների կորպուսի խոսնակ. Համաշխարհային նշանակության յոթ խոշոր մալուխներ են անցնում Հորմուզի նեղուցի տակով, մենք թշնամուն հիշեցնում ենք դա, որպեսզի նրանք իմանան
Իրանի հեղափոխական պահապանների կորպուսի խոսնակ Հոսեյն Մոհեբին Թեհրանի հակառակորդներին հիշեցրել է Հորմուզի նեղուցում գտնվող ստորջրյա մալուխների մասին՝ նշելով, որ անհրաժեշտության դեպքում Իրանը կարող է թիրախավորել դրանք։
Նրա խոսքով՝ Հորմուզի նեղուցում են գտնվում համաշխարհային նշանակության յոթ խոշոր մալուխներ, որոնք պատասխանատու են ինտերնետի և առևտրային տվյալների բազաների համար։
«Յոթ խոշոր մալուխներ անցնում են Հորմուզի նեղուցի տակով, և աշխարհի բոլոր ինտերնետային և առևտրային տվյալների բազաները կախված են դրանցից։ Մենք հիշեցնում ենք թշնամուն սա, որպեսզի նրանք իմանան», – երկուշաբթի օրը ասել է Հոսեյն Մոհեբին։
Միևնույն ժամանակ, Իրանի անվտանգության ղեկավար Մոհսեն Ռեզաին հայտարարել է, որ Թեհրանը կհարվածի Պարսից ծոցում գտնվող տվյալների կենտրոններին, ստորջրյա ինտերնետային մալուխներին և արհեստական բանականության օբյեկտներին, եթե Միացյալ Նահանգները և Իսրայելը վերսկսեն ռազմական գործողությունները։
Նա ասել է, որ Թեհրանը պատրաստ է վերսկսված հակամարտության և կարող է թիրախավորել Մերձավոր Արևելքի կարևորագույն տեխնոլոգիական ենթակառուցվածքները։
«Թշնամու կողմից Իրանի դեմ կատարված յուրաքանչյուր սխալ հաշվարկ հանգեցրել է նրանց համար ծանր պարտության. հաջորդ սխալը կբերի նոր ճակատներ և ավելի մեծ անակնկալներ», – ասել է Ռեզաին։