Իրանի արտգործնախարարը հայտարարել է, որ Թեհրանը չի բանակցի որևէ կողմի հետ, քանի դեռ Իրանը գտնվում է Իսրայելի հարձակման տակ
Ժնևի բանակցություններից առաջ Իրանի արտաքին գործերի նախարար Աբբաս Արաղչին հայտարարել է, որ Թեհրանը չի բանակցի որևէ կողմի հետ, քանի դեռ Իրանը գտնվում է Իսրայելի հարձակման տակ։
Իրանցի դիվանագետը այսօր պետք է հանդիպի Գերմանիայի, Ֆրանսիայի և Մեծ Բրիտանիայի արտաքին գործերի նախարարների հետ՝ լարվածության թուլացման հարցը քննարկելու համար։
Արաղչին նաև ասել է, որ ԱՄՆ-ն ցանկանում է վերադառնալ բանակցությունների սեղանի շուրջ, սակայն Թեհրանը մերժել է առաջարկը։
«ԱՄՆ-ի հետ բանակցությունների տեղ չկա, քանի դեռ Իսրայելը չի դադարեցրել իր ագրեսիան», – ասել է նա։
Իրանի արտաքին գործերի նախարարը Վաշինգտոնին համարում է Իսրայելի կողմից Իրանի դեմ կատարված հանցագործությունների մեղսակից։