Իրանի արտաքին գործերի նախարարի այցի շրջանակներում քննարկվել են համագործակցության հարցերը, համավարակի հետևանքների հաղթահարման ճանապարհները և տրանսպորտային հարաբերությունների վերականգնման հնարավորությունները. Ալեքսանդր Խվթիսիաշվիլի
Իրանի արտաքին գործերի նախարարի այցի շրջանակներում քննարկվել են համագործակցության հարցերը, համավարակի հետևանքների հաղթահարման ճանապարհները և տրանսպորտային հարաբերությունների վերականգնման հնարավորությունները,- այս մասին Իրանի Իսլամական Հանրապետության արտաքին գործերի նախարար, Մոհամեդ Ջավադ Զարիֆի աշխատանքային այցի ավարտից հետո, հայտարարել է Վրաստանի փոխարտգործնախարար Ալեքսանդր Խվթիսիաշվիլին:
«Ինչպես գիտեք, տարածաշրջանային շրջագայության շրջանակներում, մինչ Վրաստան ժամանելը նա աշխատանքային այցով եղել է՝ Ադրբեջանում, Ռուսաստանում և Հայաստանում, իսկ Վրաստանից մեկնել է Թուրքիա: Աշխատանքային այցի ընթացքում քննարկվել են երկկողմ համագործակցության հարցեր, մասնավորապես ՝ համավարակը, դրա հետևանքները հաղթահարելու ուղիները, այդ թվում տրանսպորտային հարաբերությունները վերականգնելու հնարավորություններ»,- հայտարարել է Ալեքսանդր Խվթիսիաաշվիլին:
Ըստ նրա, նշվել է տրանսպորտի ոլորտում առկա խնդիրները և դրանք ժամանակին լուծելու անհրաժեշտությունը:
«Գիտեք, որ վրացական փոխադրողները որոշակի դժվարություններ ունեն և իրանական կողմի հետ համագործակցության արդյունքում այդ խնդիրները լուծվում են: Մի քանի ընկերություններ մեզ արդեն հաստատել են, որ իրենց մեքենաները Իրանից վերադարձել են Վրաստան: Հետևաբար, մենք հուսով ենք, որ այս գործընթացը կշարունակվի»,- ասել է փոխարտգործնախարարը:
Ըստ նրա, զրույցը վերաբերել է նաև տարածաշրջանում տիրող իրավիճակին:
«Մեզ հետաքրքրում էր Իրանի տեսակետը աշխարհաքաղաքական նոր իրավիճակի վերաբերյալ, ինչպես նաև իրանական կողմը հետաքրքրված էր ռազմական գործողությունների արդյունքում տարածաշրջանում ստեղծված իրավիճակի վերաբերյալ Վրաստանի տեսակետով: Վրացական կողմը վերահաստատել է երեք երկրների ՝ Ադրբեջանի, Վրաստանի և Հայաստանի միջև համագործակցության կարևորությունը, Հարավային Կովկասի տարածաշրջանում կայուն խաղաղություն ապահովելու համար, և վերահաստատել է իր պատրաստակամությունը ՝ նպաստելու փոխըմբռնմանը Հարավային Կովկասի երեք երկրների միջև, կողմերի միջև խաղաղ բանակցությունների մի տեսակ հարթակ ստեղծելով: Ինչպես գիտեք, այս այցին նախորդում էին մի շարք շահարկումներ առ այն, որ Վրաստանը ներգրավվելու է մի տեսակ լայն խաղաղության հարթակի մեջ, որին կմասնակցեն տարածաշրջանի երեք երկրներ, գումարած Ռուսաստան-Թուրքիա-Իրանը: Այս կապակցությամբ մեր դիրքորոշումը հայտնի է հասարակությանը, գործընկերներին և տարածաշրջանի երկրներին. Օկուպանտ երկրի հետ խաղաղության ծրագրին մասնակցելը աներևակայելի է: Ինչ վերաբերում է տարածաշրջանում տնտեսական համագործակցության զարգացմանը, մենք դա ողջունում ենք և, իհարկե, աջակցում ենք, բայց կարևոր է, որ ցանկացած հարաբերություն հիմնված լինի փոխադարձ հարգանքի և հիմնարար սկզբունքների, մասնավորապես ինքնիշխանության և տարածքային ամբողջականության սկզբունքների ճանաչման վրա»,- հայտարարել է փոխարտգործնախարարը:
Իրանի Իսլամական Հանրապետության արտաքին գործերի նախարար, Մոհամադ Ջավադ Զարիֆը Վրաստան կատարած այցի ընթացքում հանդիպել է, Վրաստանի նախագահ Սալոմե Զուրաբիշվիլիի և վարչապետ Գիորգի Գախարիայի հետ, ինչպես նաև հեռախոսազրույց է ունեցել իր վրացի գործընկեր, Դավիթ Զալկալիանիի հետ:
