Իրանցի խորհրդարանական. Հորմուզի նեղուցը մերն է հավերժ, այն հավերժ կմնա Իրանի սեփականության և վերահսկողության տակ
FILE PHOTO: Luojiashan tanker sits anchored in Muscat, as Iran vows to close the Strait of Hormuz, amid the U.S.-Israeli conflict with Iran, in Muscat, Oman, March 7, 2026. REUTERS/Benoit Tessier/File Photo
Հորմուզի նեղուցը մերն է հավերժ, այն հավերժ կմնա Թեհրանի սեփականության և վերահսկողության տակ,- ասել է Իրանի խորհրդարանի ազգային անվտանգության հանձնաժողովի ղեկավար Էբրահիմ Ազիզը։
ISNA պետական լրատվական գործակալությանը տված հարցազրույցում նա նաև նշել է, որ Հորմուզի նեղուցը Իրանի համար համապարփակ տնտեսական, քաղաքական և ռազմական լծակ է։
Բացի այդ, վերջերս հրապարակվել են Թեհրանի կողմից Վաշինգտոնին ներկայացված խաղաղության համաձայնագրի կետերը, որտեղ Իրանը, Հորմուզի նեղուցի բացման դիմաց, պահանջում է ԱՄՆ-ից վերացնել պատժամիջոցները և վերջ դնել երկրի ծովային շրջափակմանը։
Ձեր տեղեկության համար, Իսրայելի և ԱՄՆ-ի կողմից Իրանի դեմ պատերազմի սկսվելուց հետո Թեհրանը փակել է Հորմուզի նեղուցը, որտեղով անցնում է աշխարհի նավթի և հեղուկ բնական գազի մոտ 20%-ը։ Ներկայումս էներգետիկ ռեսուրսներով բեռնված նավերի մեծ մասը չի կարողանում անցնել նեղուցով։