Իրակլի Կոբախիձեն հանդիպել է Վրաստանում Կատարի նորանշանակ դեսպանի հետ
Վրաստանի վարչապետ Իրակլի Կոբախիձեն հանդիպում է ունեցել Կատարի նորանշանակ արտակարգ և լիազոր դեսպան Աալի Յուսեֆ Աբդուլռահման Ալ-Մուլլայի հետ։
Վրաստանի կառավարության ղեկավարի մամուլի ծառայության փոխանցմամբ՝ վարչապետը դեսպանին շնորհավորել է դիվանագիտական առաքելության մեկնարկի առթիվ և մաղթել հաջողություններ։
Հանդիպման ընթացքում ուշադրություն է դարձվել երկու երկրի միջև ձևավորված արդյունավետ համագործակցությանը տարբեր ոլորտներում։
Կողմերը քննարկել են առևտրատնտեսական կապերի խորացման հնարավորությունները։