Վրաստանի վարչապետ Իրակլի Կոբախիձեն դիմորդներին հաջողություն է մաղթում միասնական ազգային քննություններում։

Ինչպես նշում է վարչապետը, Վրաստանի ապագան, առաջընթացը և բարգավաճումը հիմնված են միայն կրթված հասարակության վրա։

«Սիրելի՛ դիմորդներ, այսօր ձեր կյանքի շատ կարևոր և ամենապատասխանատու փուլերից մեկի սկիզբն է։ Միասնական ազգային քննությունները ձեր երկար տարիների աշխատանքի գագաթնակետն են։

Ես հավատում եմ, որ ձեզանից յուրաքանչյուրը այս փուլը կդիմավորի արժանապատվորեն՝ գիտելիքների և հմտությունների առավելագույն մոբիլիզացմամբ։

Մեր երկրի ապագան, նրա առաջընթացը և բարգավաճումը հիմնված են միայն կրթված հասարակության վրա։ Հետևաբար, ձեր յուրաքանչյուր քայլը դեպի անձնական զարգացում, միաժամանակ քայլ է դեպի Վրաստանի ավելի լավ վաղվա օր։

Մաղթում եմ ձեզ հաջողություն և ձեր բոլոր նպատակների իրականացում այս նոր և հետաքրքիր ճանապարհին», – ասվում է վարչապետի ուղերձում։

Միասնական ազգային քննություններն այսօր մեկնարկեցին վրաց լեզվի և գրականության քննությունով։