Շվեյցարական ընկերության հետ միասին մենք կուսումնասիրենք սառցադաշտերը և էրոզիոն գործընթացները ամբողջ երկրում, և այս ամենը թույլ կտա մեզ կանխել համապատասխան ռիսկերը,- Շովիում լրագրողներին ասել է Վրաստանի վարչապետ Իրակլի Կոբախիձեն, որտեղ հարգանքի տուրք է մատուցել Շովիի աղետի հետևանքով զոհվածների հիշատակին։

Նրա խոսքով՝ պետք է առավելագույն ջանքեր գործադրվեն ապագայում նմանատիպ ողբերգությունները կանխելու համար։

«Մենք բոլորս շատ վառ հիշում ենք մեզ բաժին հասած սարսափելի ողբերգությունը, և, իհարկե, մեր պարտականությունն է հիշել մահացածներին։ Մեր պարտականությունն է նաև անել ամեն ինչ, որպեսզի ապագայում նման ողբերգությունները չկրկնվեն։ Նախկինում նման նախադեպ չի եղել, որը կապված լիներ սառցադաշտային ձնահոսքի հետ, և նման ուսումնասիրություն չէր անցկացվել։ Մենք շվեյցարական ընկերության հետ համատեղ սկսել ենք հետազոտություններ անցկացնել։ Մենք կուսումնասիրենք սառցադաշտերը և էրոզիոն գործընթացները ամբողջ երկրում, և այս ամենը թույլ կտա մեզ կանխել համապատասխան ռիսկերը», – ասել է վարչապետը։