Միխեիլ Ղավելաշվիլիի ընտրությունն այս կարևորագույն պաշտոնում շատ կարևոր ներդրում կունենա վրացական պետականության և մեր ինքնիշխանության ամրապնդման, ինչպես նաև արմատականության և «բևեռացման» նվազեցման գործում,- այս մասին հայտարարել է Վրաստանի վարչապետ Իրակլի Կոբախիձեն կառավարության վարչակազմում կայացած ճեպազրույցում։

Վարչապետի խոսքով՝ Միխեիլ Ղավելաշվիլիի նախագահությամբ նախագահական ինստիտուտը կվերադառնա իր սահմանադրական առաքելությանը։

«Ցանկանում եմ շնորհավորել Միխեիլ Ղավելաշվիլիին Վրաստանի նախագահի պաշտոնում ընտրվելու կապակցությամբ։ Վստահ եմ, որ Միխեիլ Ղավելաշվիլիի ընտրությունն այս կարևոր պաշտոնում շատ կարևոր ներդրում կունենա վրացական պետականության և մեր ինքնիշխանության ամրապնդման, ինչպես նաև արմատականության և «բևեռացման» նվազեցման գործում: Երկու տարուց ավելի Վրաստանը չունի հայրենասեր ու հոգեկան ու հոգեբանորեն հավասարակշռված նախագահ։ Այս առումով Միխեիլ Ղավելաշվիլիի նախագահությունը շրջադարձային կլինի մեր երկրի համար։ Նախագահի ինստիտուտի հիմնական առաքելությունը երկրի ու հասարակության միավորման մասին հոգալն է։ Այս տարիներին կոնկրետ ուժեր, արտաքին ուժեր նախագահի ինստիտուտն օգտագործեցին որպես հասարակությանը պառակտելու միջոց։ Նաև նախագահի ինստիտուտը կիրառվեց մեր սահմանադրական կարգն արհեստականորեն թուլացնելու համար, դրա համար համակարգված կերպով խախտվեց Վրաստանի սահմանադրությունը նախագահի օգտագործմամբ, որն ուղղակիորեն աջակցվում էր արտաքին ուժերի կողմից։ Միխեիլ Ղավելաշվիլիի նախագահությամբ նախագահական ինստիտուտը կվերադառնա իր սահմանադրական առաքելությանը և արժանապատվությանը։ Ցանկանում եմ հաջողություն մաղթել Միխեիլ Ղավելաշվիլիին՝ Վրաստանի նախագահի պաշտոնում»,- ասել է վարչապետը։