«Տարվա ձեռքբերումներից, որը հատկապես կուզեմ առանձնացնել, կառավարման համակարգի բարելավումն էր, ինչը ուղղակիորեն անդրադարձավ կառավարության աշխատանքի վրա», – այս մասին Վրաստանի վարչապետ Իրակլի Կոբախիձեն հայտարարել է կառավարության ամփոփիչ նիստի ժամանակ։

Նրա խոսքով՝ իրականացվել է մի շարք փոփոխություն՝ այն նպատակով, որ կառավարությունը լինի հնարավորինս թափանցիկ, հաշվետու և արդյունավետ։

«Կառավարության կազմը մասնակիորեն թարմացվել է, թիմում ունենք յոթ նոր նախարար, որոնք իրենց պաշտոնները զբաղեցրել են այս տարվանից։ Այս փոփոխությունների արդյունքում, հատկապես կադրային վերադասավորումների շնորհիվ, էապես բարելավվել է կառավարության աշխատանքի որակը։ Մենք իրականացրել ենք բազմաթիվ բարեփոխումներ՝ կառավարությունը դարձնելու առավել թափանցիկ, հաշվետու և արդյունավետ։ Կառավարության բոլոր ակտերը բաց են հանրության համար, ինչը ստեղծում է հիանալի պայման՝ մեր աշխատանքի որակը շարունակաբար բարձրացնելու համար», – ընդգծել է Կոբախիձեն։