Իրակլի Ղարիբաշվիլին հանդիպել է Եվրամիության դիտորդական առաքելության նորանշանակ ղեկավարին
Վրաստանի պաշտպանության նախարար Իրակլի Ղարիբաշվիլին պաշտպանության գերատեսչությունում հյուրընկալել է Եվրամիության դիտորդական առաքելության (EUMM) նորանշանակ ղեկավար Մարեկ Շչիգելին:
Ճանաչողական հանդիպմանը Իրակլի Ղարիբաշվիլին Մարեկ Շչիգելին շնորհավորել է պաշտոնում նշանակվելու առթիվ և մաղթել հաջողություններ: Կողմերը քննարկել են Եվրամիության դիտորդական առաքելության և Վրաստանի պաշտպանության նախարարության միջև համագործակցության հարցերը: Պաշտպանության նախարարության փոխանցմամբ, Իրակլի Ղարիբաշվիլին հույս է հայտնել, որ առկա արդյունավետ համագործակցությունն ապագայում էլ ավելի կամրապնդվի:
«Հանդիպմանը քննարկել են տարածաշրջանում անվտանգության տեսանկյունից տիրող վիճակը: Ընդգծվել է Վրաստանում կայունության պահպանման և երկրի խաղաղ զարգացման գործընթացում Եվրամիության դիտորդական առաքելության (EUMM) դերը»,- ասվում է պաշտպանության նախարարության հայտարարության մեջ: