Իրակլի Ղարիբաշվիլիի կողմից կառավարական ծրագրի վերաբերյալ զրույց չեմ լսել, ագրեսիվ հռետորաբանություն էր կոնկրետ քաղաքական խմբի նկատմամբ. Լևան Իոսելիանի
«Մոքալաքեեբի» կուսակցության առաջնորդ, Լևան Իոսելիանին գտնում է, որ Իրակլի Ղարիբաշվիլիի ելույթը խորհրդարանում վերաբերում էր ոչ թե կառավարության ծրագրին, այլ կոնկրետ քաղաքական խմբավորման նկատմամբ ագրեսիվ հռետորաբանությանը:
Իոսելիանիի խոսքով, ինքը չի սատարի Իրակլի Ղարիբաշվիլիի թեկնածությանը վարչապետի պաշտոնում:
«Ծրագրի մասին ես բան չեմ լսել, վարչապետի թեկնածուի ելույթի ժամանակ, հիմնականում զզվանք էի լսում կոնկրետ քաղաքական խմբի նկատմամբ ու հայտարարություններ որոշ մարդկանց ձերբակալության մասին, ծրագրի մասին ընդհանրապես խոսք չկար: Հետաքրքիր է, թե ինչ ծրագրով է եկել, այն ծրագիրը, որը հրապարակված է կառավարության կայքում, գործնականում դատարկ է: Նրա ելույթը ագրեսիվ հռետորաբանություն էր կոնկրետ մեկ խմբի նկատմամբ, ես այլ բան չեմ լսել:
Սա չէ միակ պատճառը, որ ես նրան չեմ աջակցելու, հիմնական պատճառն այն է, որ «Վրացական երազանքի» 9 տարվա գլխին, երկիրը շատ ավելի աղքատ է, քան մինչ այդ էր: Մեր քաղաքացիները անպաշտպան են: Ցավալի է, որ «Վրացական երազանքի» 9 տարի կառավարումից հետո օրակարգը մարդկանց բռնելն ու քաղաքական կուսակցություններից մեկի ռադարներից անհետանալն է, եթե դա հետապնդում է, սա մեր երկրի դժբախտությունն է: Ստացվում է, որ մենք պտտվում ենք մի տեղում, և ոչինչ չի փոխվել: Ինչ հաղորդագրություն էլ ուներ «Վրացական երազանքը» 2012 թվականին, այն նույնն է կրկնում 2021-ին, դա անհավանական բան է: Ինձ հետաքրքրում էր, որ նրանից լսեյի, թե ինչպես է նա տեսնում ճգնաժամից դուրս գալը, որն է նրա ծրագիրը համավարակի, աղքատության դեմ պայքարում, սա է անհանգստացնում մարդկանց, և ոչ թե այն, թե ինչի մասին նա խոսեց», – հայտարարել է Լևան Իոսելիանին: