Պաշտպանական նոր օրենսգրքում գրվելու է, որ զինվորականների համար բնակարանների կառուցումը լինելու է պետության պարտավորությունը, վիրավորվելու դեպքում օգնությունը 7000 լարիի փոխարեն կկազմի 20000 լարի, իսկ պարտականությունների կատարման ժամանակ մահվան դեպքում միանվագ օգնությունը կկազմի 30 հազար լարի,- այս մասին Կառավարության նիստում ասել է Վրաստանի վարչապետ Իրակլի Ղարիբաշվիլին։

Վարչապետի խոսքով՝ անգամ Բիձինա Իվանիշվիլիի վարչապետության օրոք տարածքային ամբողջականության, ազատության և անկախության համար մահվան դեպքում փոխհատուցումը սահմանվել է 100 հազար լարի, և դա ցույց է տալիս կառավարության վերաբերմունքը զինվորականների և ոստիկանների նկատմամբ։

«Այս օրենսգրքում ներառվել են զինծառայողների սոցիալական երաշխիքները։ Ավելի վաղ ասել եմ, որ բնակարանների կառուցումը չպետք է լինի միանվագ, ինչպես ոստիկանության համար միանվագ չի լինի, մենք էլ ենք ուզում կարգավորել։ Օրենսգրքում գրված կլինի, որ բնակարանների կառուցումը լինելու է պետության պարտավորությունը։ Դա ինչ-որ լավ նախարարի բարի կամքը չի լինի, դա պետք է լինի պետության պարտավորությունը, և երեք տարին մեկ մեր զինվորականների համար բնակարաններ կկառուցվեն։ Մենք նույնն ենք ուզում անել ոստիկանության համար։ Սա պետք է լինի մեր պարտավորությունը: Բազմաթիվ այլ արտոնություններ են նախատեսված զինվորականների համար։ Օրինակ՝ Աստված օրհնի բոլորին, իսկ վիրավորվելու ու խեղելու դեպքում փոխհատուցումը, օգնությունը, եթե եղել է 7000 լարի, կլինի 20000 լարի։ Պարտականությունները կատարելիս մահանալու դեպքում կտրվի միանվագ օգնություն՝ 30000 լարիի չափով։ Տարածքային ամբողջականության, ազատության և անկախության համար մահվան դեպքում փոխհատուցումը սահմանվում է 100 000 լարի։ Սա վարչապետության օրոք Բիձինա Իվանիշվիլիի որոշումն էր, որը տարածվեց նրանց մեջ գտնվող ոստիկանների վրա։ Սա է մեր վերաբերմունքը մեր իրավապահ մարմինների, մեր հերոսների, մեր հպարտ զինվորականների ու ոստիկանների նկատմամբ»,- ասել է վարչապետը։