Ես կցանկանայի շնորհակալություն հայտնել տարածաշրջանային զարգացման և ենթակառուցվածքների նախարար Իրակլի Քարսելաձեին նման ինտենսիվ, ակտիվ աշխատանքի համար: Նախարարը ներկայացրեց այն ծրագրերը, որոնք արդեն սկսել ենք իրականացնել, գլխավոր նորույթը լիարժեք 4 գոտուց բաղկացած մայրուղու շինարարության մեկնարկն է, որը կսկսվի մոտ ապագայում,- այս մասին հայտարարել է Վրաստանի վարչապետ Իրակլի Ղարիբաշվիլին՝ Բակուրցիխե-Թելավի-Ախմետա ավոտճանապարհի նոր 15 կմ երկարությամբ հատվածի (Գուրջաանիի շրջանցիկ ճանապարհ) բացման միջոցառմանը:

Կառավարության ղեկավարի խոսքով, Կախեթիում ենթակառուցվածքների և նոր ճանապարհների կառուցման համար կծախսվի երկու միլիարդ լարի:

«Բացի այդ, կավելացվի ներքին ճանապարհների պահպանումը, որը ներառված չէ այս բյուջեում: Իրականում, Կախեթիի ամբողջ լանդշաֆտը, ճանապարհների պատկերը բացարձակապես կփոխվի: Կախեթին ամենատպավորիչ վայրերից մեկն է: Եթե ​​ոչ յուրաքանչյուր, ապա ամեն երկրորդ զբոսաշրջիկ գնում է Կախեթի, ուստի մեր կառավարությունը մեծ ուշադրություն է դարձնում ճանապարհային ենթակառուցվածքների զարգացմանը: Կցանկանայի ևս մեկ անգամ շնորհակալություն հայտնել մեր դոնորին այս կարևոր նախագիծը ֆինանսավորելու համար և, ընդհանուր առմամբ, մեր տասնամյա ծրագրով նախանշված նախագծերով, ընդհանուր առմամբ, գրեթե 32 միլիարդ լարի կծախսվի ճանապարհային ենթակառուցվածքների, նոր մայրուղիների կառուցման վրա, ինչը ամբողջովին փոխելու է մեր երկրի ընդհանուր պատկերը: Ինչպես բնակչության, այնպես էլ՝ զբոսաշրջիկների համար ավելի հեշտ կլինի տեղաշարժվելը և իրականում կլինի այլ երկիր, եվրոպական ստանդարտը կգործի բոլոր մարզերում և քաղաքապետարաններում: Եվս մեկ անգամ, շատ շնորհակալ եմ Իրակլի Քարսելաձեին և նրա թիմին շատ ակտիվ աշխատանքի համար», – ասաց վարչապետը: