Իրակլի Ղարիբաշվիլի. Հավատում եմ, որ մեր տարածքների բռնազավթումը ժամանակավոր է, խաղաղ քաղաքականությամբ կկարողանանք միավորել Վրաստանը
Հավատում եմ, որ մեր տարածքների բռնազավթումը ժամանակավոր է: Մեր պրագմատիկ և խաղաղ քաղաքականությամբ կկարողանանք ապաբռնազավթել և միավորել Վրաստանը,- այսպես է Վրաստանի պաշտպանության նախարար Իրակլի Ղարիբաշվիլին արձագանքել օգոստոսյան պատերազմի 12-րդ տարելիցին:
Ինչպես նշում է Ղարիբաշվիլին, այսօր 12 տարի է լրանում Ռուսաստան-Վրաստան պատերազմի մեկնարկից, որի հետևանքով զոհվել են խաղաղ քաղաքացիներ, զինվորներ և ոստիկաններ:
«Հարգում եմ և խոնարհվում նրանց հիշատակի առջև: Չնայած մեր տարածքների բռնազավթմանը, մեր հերոս զինվորները, անհավասար պայքարում, հերոսության և զոհաբերության գնով, կարողացան պահպանել վրացական պետականությունը: Հավատում եմ, որ մեր տարածքների բռնազավթումը ժամանակավոր է: Մեր պրագմատիկ և խաղաղ քաղաքականությամբ կկարողանանք ապաբռնազավթել և միավորել Վրաստանը»,- նշում է Իրակլի Ղարիբաշվիլին: