Հզոր երկրաշարժ Ինդոնեզիայում. կան զոհեր և վիրավորներ
13:55, 16.12.2017
Ինդոնեզիայի իշխանությունները հայտնել են Յավա կղզու ափերի մոտ տեղի ունեցած հզոր երկրաշարժի հետևանքով զոհերի և տուժածների մասին:
«Չիամիս շրջանում տներ են փլուզվել: Կան զոհեր և վիրավորներ: Տեղի բնակիչները բարձրանում են լեռներ՝ խուսափելով մոտեցող ցունամիից»,- ասվում է երկրի բնական աղետների կանխարգելման հարցերով զբաղվող գործակալության հաղորդագրության մեջ:
Իր հերթին, ԱՄՆ-ի երկրաբանական ծառայությունը երկրաշարժի ուժգնությունը գնահատել է 6,5 մագնիտուդ, մեկ այլ տեղեկություն համաձայն՝ 7,5 մագնիտուդ:
