Հազարավոր մարդիկ հավաքվել են Բրատիսլավայում՝ ընդդեմ Ռոբերտ Ֆիցոյի ցույցին
Հազարավոր մարդիկ դուրս են եկել Սլովակիայի մայրաքաղաքի փողոցներ՝ բողոքի ցույցի։ Ինչպես հայտնում է «Reuters»-ը, ցուցարարները վարչապետ Ռոբերտ Ֆիցոյին մեղադրում են ռուսամետ լինելու մեջ։
«Սլովակիան Եվրոպա է, մենք Ռուսաստանը չենք»,- «Reuters»-ին ասել է ակցիայի մասնակիցներից մեկը։
Ցուցարարները պետական դրոշների հետ միասին ծածանում էին Եվրամիության դրոշները և վանկարկում՝ «Բավական է Ռուսաստան»: Բողոքի մասնակիցների խոսքով՝ իրենց հատկապես նյարդայնացրել է Ռոբերտ Ֆիցոյի՝ մի քանի շաբաթ առաջ Մոսկվա կատարած այցը։
Կազմակերպիչների տվյալներով՝ հանրահավաքին մասնակցել է 15 հազար մարդ։