Հայաստանի նախագահը հանդիպման է հրավիրում վարչապետին և ընդդիմության ներկայացուցիչներին: Արմեն Սարգսյանի նախաձեռնած բանակցությունները կարող են անց կացվել մարտի 13-ին:

«Պետության և ընդհանուր ճանապարհներ որոնելու նպատակով, ստեղծված իրավիճակը քննարկելու և ելք գտնելու համար, մարտի 13-ին, ժամը 12:00-ին ես վարչապետին, խորհրդարանական խմբակցությունների ղեկավարներին և «Հայրենիքի փրկության շարժման» անդամներին հրավիրում եմ բանակցություններ վարել նախագահի նստավայրում»,- ասված է Հայաստանի նախագահի մամուլի ծառայության կողմից տարածած հաղորդագրության մեջ:

Հիշեցնենք, որ Հայաստանում ներքաղաքական իրավիճակը դեռ լարված է: Ընդդիմությունը հերթական բողոքի ցույցն անց կացրեց Երևանում և պահանջեց վարչապետ Նիկոլ Փաշինյանի հրաժարականը:

Հայաստանի վարչապետն այսօր հայտարարեց, որ աշխատանքից ազատվել է զինված ուժերի գլխավոր շտաբի պետ, Օնիկ Գասպարյանը:

Գասպարյանի հրաժարականը Հայաստանի վարչապետը պահանջում էր փետրվարի 25-ից հետո, բայց նախագահը հրաժարվում էր բավարարել այդ պահանջը:

Հայաստանում քաղաքական ճգնաժամը սրվել է այն բանից հետո, երբ Հայաստանի զինված ուժերի գլխավոր շտաբը պահանջել էր կառավարության հրաժարականը: