Հարավային Կորեայում արտահերթ նախագահական ընտրություններ են

Հարավային Կորեայում անցկացվում են արտահերթ նախագահական ընտրություններ։

Նախնական հարցումների համաձայն՝ ընտրություններում առաջատարը ընդդիմության թեկնածու Լի Ջե-մյունգն է։ Երկրորդ տեղում է իշխող կուսակցության թեկնածու Կիմ Մուն-սուն, որը Յուն Սուկ-յոլի կառավարությունում զբաղվածության և աշխատանքի նախարարն էր։

Ընտրատեղամասերը բացվել են տեղական ժամանակով ժամը 06:00-ին և կփակվեն ժամը 20:00-ին։

Հարավկորեացիները կարող են վաղաժամկետ քվեարկել մայիսի 29-ին և 30-ին, և մոտ 15 միլիոն մարդ կօգտվի այս հնարավորությունից։

Ակնկալվում է, որ Ազգային ընտրական հանձնաժողովը կհաստատի հաղթող թեկնածուի երդմնակալությունը ձայների հաշվարկից մի քանի ժամ անց։

Ինչպես գրում է Reuters-ը, տնտեսության ամրապնդումը և Հարավային Կորեայում քաղաքական անկարգությունների դադարեցումը երկու հիմնական հարցերն են, որոնք ընտրողները պետք է որոշեն, երբ գնան քվեարկության։

Հիշեցնենք, որ Հարավային Կորեայում անկարգությունները սկսվել են նախկին նախագահ Յուն Սուկ-յոլի պաշտոնանկությունից հետո՝ իմպիչմենտի միջոցով։ Դրա պատճառը նախագահի կողմից երկրում ռազմական դրություն հայտարարելն էր, որը հանգեցրեց բողոքի ցույցերի ամբողջ երկրում։ Ազգային ժողովը մի քանի ժամվա ընթացքում վերացրեց ռազմական դրությունը։