Գուրամ Դոչանաշվիլուն այսօր կհուղարկավորեն Սաբուրթալոյի գերեզմանատանը:

Թբիլիսիի քաղաքապետարանի մամլո ծառայության փոխանցմամբ, Գուրամ Դոչանաշվիլու ընտանիքին առաջարկել են, գրողին հուղարկավորել Մթածմինդայի պանթեոնում, սակայն ընտանիքը, համաձայն գրողի կտակի, նրան Սաբուրթալոյի գերեզմանատանը հուղարկավորելու որոշում է կայացրել: Բացի այդ, գրողի ընտանիքին Մթածմինդայի պանթեոնում հուղարկավորելու առաջարկ էր արել նաև վարչապետի աշխատակազմը:

82 տարեկան հասակում կյանքից հեռացավ ժամանակակից վրացի դասական, գրող Գուրամ Դոչանաշվիլին: Առողջական վիճակի վատթարացման պատճառով Դոչանաշվիլին բուժում էր ստանում «Նյու հոսպիտալում»:

Գուրամ Դոչանաշվիլին ավարտել է Թբիլիսիի պետական ​​համալսարանի պատմության ֆակուլտետը: 1966 թվականի ապրիլի 7-ին լույս տեսավ նրա առաջին գիրքը՝ «Լեռան մյուս կողմը»: 1961 թվականին Դոչանաշվիլիի առաջին պատմվածքները տպագրվեցին «Ցիսկարի» ամսագրում:

1962-1975թթվականներին Գուրամ Դոչանաշվիլին եղել է Իվանե Ջավախիշվիլիի պատմության, հնագիտության և ազգագրության ինստիտուտի հնագիտական ​​բաժանմունքի կրտսեր գիտաշխատող: Այս ժամանակահատվածում գրողը մասնակցել է քարե դարի շուրջ 30 հուշարձանների ուսումնասիրությանը:

1975-1985 թվականներին ղեկավարել է «Մնաթոբի» ամսագրի արձակի բաժինը, ղեկավարել է Գրողների միության արձակի բաժինը: 1985 թվականից աշխատում է որպես «Վրացական ֆիլմ» կինոստուդիայի գլխավոր խմբագիր:

Գուրամ Դոչանաշվիլիի առավել նշանավոր գործերն են՝ «Սամոսելի Պիրվելին», «Մարդը, ով սիրում էր գրականությունը», «Վատեր(պո)լո կամ վերականգնման աշխատանքներ»:

Գուրամ Դոչանաշվիլին ստացել է «Սաբա» գրական մրցանակ՝ գրականության զարգացման գործում ունեցած նշանակալի ավանդի համար, ինչպես նաև՝ Վաժա-Փշավելա մրցանակ: 2020 թվականին Դոչանաշվիլիին շնորհվել է Թբիլիսիի պատվավոր քաղաքացու կոչում: