Գուրամ Դոչանաշվիլիին, ընտանիքի որոշմամբ հուղարկավորելու են Սաբուրթալոյի գերեզմանատանը: Այս մասին Վրաստանի Առաջին ալիքին հայտնել են, Թբիլիսիի քաղաքապետարանի մամուլի ծառայությունից:

Նրանց խոսքով, Գուրամ Դոչանաշվիլիի ընտանիքին առաջարկել են, գրողին հուղարկավորել Մթածմինդայի պանթեոնում, սակայն գրողի կտակի համաձայն, ընտանիքը որոշել է նրան հուղարկավորել Սաբուրթալոյի գերեզմանատանը: Թբիլիսիի քաղաքապետարանի մամուլի ծառայության հաղորդմամբ, Մթածմինդայի պանթեոնում նրան հուղարկավորելու առաջարկ է արել նաև վարչապետի վարչակազմը:

Գուրամ Դոչանաշվիլին 82 տարեկան հասակում մահացել է ապրիլի 3-ին: Առողջական վիճակի վատթարացման պատճառով Դոչանաշվիլին տեղափոխվել էր «Նյու Հոսպիտալ»:

Գուրամ Դոչանաշվիլին ավարտել է Թբիլիսիի պետական ​​համալսարանի պատմաբանության ֆակուլտետը: 1966 թվականի ապրիլի 7-ին լույս տեսավ նրա առաջին գիրքը ՝ «Լեռան այնկողմ»: 1961 թվականին «Ցիսկարի» ամսագրում տպագրվեցին Դոչանաշվիլիի առաջին պատմվածքները:

1962-1975 թթ.. Գուրամ Դոչանաշվիլին եղել է Իվանե Ջավախիշվիլիի անվան պատմության, հնագիտության և ազգագրության ինստիտուտի հնագիտական ​​բաժանմունքի կրտսեր գիտաշխատող: Այս ժամանակահատվածում գրողը մասնակցել է քարե դարի շուրջ 30 հուշարձանների ուսումնասիրությանը:

1975-1985 թվականներին ղեկավարել է «Մնաթոբի» ամսագրի արձակի բաժինը, ղեկավարել է գրողների միության արձակի բաժինը: 1985 թվականից աշխատում էր որպես «Վրացական կինոստուդիայի» գլխավոր խմբագիր:

Գուրամ Դոչանաշվիլիի առավել նշանավոր գործերն են ՝ «Սամոսելի Պիրվելին», «Մարդը, ով սիրում էր գրականությունը», «Վատեր(պո)լո կամ վերականգնման աշխատանքներ»:

Գուրամ Դոչանաշվիլին ստացել է Saba գրական մրցանակ, գրականության զարգացման գործում ունեցած նշանակալի ավանդի համար; «Կույրերի մասին» վեպի համար Վաժա-Փշավելա մրցանակը: 2020 թվականին Դոչանաշվիլին ստացել է Թբիլիսիի պատվավոր քաղաքացու կոչում:

Գուրամ Դոչանաշվիլիի հոգեհանգիստը ընթանում է Սուրբ Երրորդության տաճարում: Գրողին հուղարկավորելու են ապրիլի 6-ին: