Վրաստանի կրթության, գիտության և երիտասարդության հարցերի նախարար Գիվի Միքանաձեն, Գուրջաանիի, Սագարեջոյի, Դեդոփլիսծղարոյի և Սիղնաղիի մունիցիպալիտետների պատվիրակ Գիա Բենաշվիլիի հետ միասին, աշխատանքային հանդիպում է անցկացրել Սիղնաղիի մունիցիպալիտետի հանրակրթական դպրոցների աշակերտների ծնողների հետ:

Կրթության նախարարության մամուլի ծառայության տեղեկատվությամբ՝ նախարարը հանդիպման մասնակիցներին ծանոթացրել է կրթական համակարգում ընթացող բարեփոխումների հիմնական ուղղություններին:

«Զրույցի ընթացքում Գիվի Միքանաձեն ուշադրություն է հրավիրել դպրոցներում կրթության որակի բարելավման նպատակով իրականացվելիք նախաձեռնություններին և ուսումնական ծրագրի բովանդակային զարգացմանը:

Ինչպես նշել է նախարարը, կրթության բարեփոխման գլխավոր նպատակն է դպրոցներում ստեղծել աշակերտակենտրոն, ներառական և արդյունքահեն կրթական միջավայր, որտեղ յուրաքանչյուր երեխա կունենա սեփական հնարավորությունները լիարժեք իրացնելու միջոցներ»:

Խոսվել է նաև դպրոցական ենթակառուցվածքների կարգավորման և այս ուղղությամբ պլանավորված մասշտաբային նախագծերի մասին:

Հանդիպումը շարունակվել է հարցուպատասխանի ձևաչափով: Ծնողները հնարավորություն են ունեցել իրենց համար կարևոր հարցերի շուրջ սպառիչ պատասխաններ ստանալ անմիջապես նախարարից:

«Վրաստանի կրթության, գիտության և երիտասարդության հարցերի նախարարն ակտիվորեն շարունակում է հանդիպումները դպրոցական հանրության հետ՝ կրթական բարեփոխումների հայեցակարգին ծանոթացնելու նպատակով», – նշված է կրթության նախարարության տարածած տեղեկատվության մեջ: