Կկայանան արդյոք առանձին այցեր ոչ լեգիտիմ իշխանության պայմաններում, սա «Վրացական երազանքին» լեգիտիմություն չի հաղորդի, – այս մասին հայտարարել է «Ազգային շարժման» անդամ Գիորգի Կապանաձեն։

Գիորգի Կապանաձեն արձագանքել է ամերիկացի կոնգրեսական Ջո Ուիլսոնի նամակին, որը հասցեագրված էր ԵԱՀԿ գլխավոր քարտուղար Ֆերիդուն Սինիրլիօղլուին։ Ուիլսոնը կոչ էր անում նրան հրաժարվել Վրաստան այցից։

Կապանաձեի խոսքով՝ Ջո Ուիլսոնը վրաց ժողովրդի բարեկամն է, և այս հայտարարությունը վերաբերում է հենց Վրաստանի շահերին։

«Ջո Ուիլսոնը մեր ժողովրդի, մեր երկրի բարեկամն է, և նրա այս կոնկրետ հայտարարությունը վերաբերում է մեր երկրի շահերին։ Սակայն, անկախ նրանից, թե արդյոք կկայանան առանձին այցեր Վրաստանում ոչ լեգիտիմ իշխանության պայմաններում, դա չի կարող լեգիտիմացնել ոչ լեգիտիմ «Վրացական երազանքին»։ «Վրացական երազանքը», որը պատասխանատու է մեր երկրի եվրոպական ուղուց շեղման, մարդու իրավունքների զանգվածային խախտումների, համակարգային հանցագործությունների, ընտրությունների կեղծման համար։ Վրացի ժողովուրդը ամեն ինչ գիտի, ամեն ինչ տեսնում է։ Այսօր մենք Վրաստանում ունենք ոչ լեգիտիմ «Վրացական երազանք», և այստեղից էլ ծագում է մեծ քաղաքական ճգնաժամ, որի հաղթահարման միակ միջոցը քաղաքական բանտարկյալների ազատումն է և ժամանակավոր վարչակազմի պայմաններում նոր խորհրդարանական ընտրությունների նշանակումը», – հայտարարել է Կապանաձեն։