Ֆրիդրիխ Մերց. Ես չունեմ ազգի սիրելին դառնալու մտադրություն, իմ նպատակն է այս երկիրը վերադարձնել ճիշտ ուղու վրա, ես գտնվում եմ հակամարտության էպիկենտրոնում, եթե դա չլիներ, իմ անձնական վարկանիշն ավելի լավը կլիներ

Ֆրիդրիխ Մերցն ասում է, որ իրեն չի հետաքրքրում ժողովրդականությունը։ Գերմանիայի կանցլերն ասել է, որ իր առաջնահերթությունը դժվար բարեփոխումների իրականացումն է, այլ ոչ թե սեփական վարկանիշի բարձրացումը։

Մերցն այս մասին ասել է Բեռլինում Գերմանիայի գործատուների օրվա կապակցությամբ կազմակերպված միջոցառման ժամանակ։

«Ես չունեմ ազգի սիրելին դառնալու մտադրություն։ Իմ նպատակն է այս երկիրը վերադարձնել ճիշտ ուղու վրա, որպեսզի մենք կրկին կարողանանք ողջամիտ հեռանկարներ առաջարկել, հատկապես երիտասարդ սերնդի համար։ Ես գտնվում եմ հակամարտության կենտրոնում։ Եթե դա չլիներ, իմ անձնական վարկանիշն ավելի լավը կլիներ», – ասել է նա։

Տեղեկատվության համար՝ ARD-DeutschlandTrend-ի կողմից հոկտեմբերի 1-ին հրապարակված հարցումը ցույց է տվել, որ ընտրողների միայն 10%-ն է գոհ Մերցի աշխատանքից։ Սա Գերմանիայի կանցլերի համար ամենացածր ցուցանիշն է 1997 թվականից ի վեր։