Ֆրանսիայում ավտոբուսի և գնացքի բախման հետևանքով մահացել է առնվազն 4 երեխա
21:27, 14.12.2017
Ֆրանսիայի հարավային մասում, Իսպանիայի հետ սահմանին դպրոցական ավտոբուսը բախվել է գնացքին: BBC-ի լրատվությամբ մահացել է առնվազն երկու և տուժել մի քանի մարդ:
Տարածված լրատվությամբ մահացածները դպրոցի աշակերտներ են, սակայն այդ լուրը դեռևս պաշտոնապես չի հաստատվել:
Միջադեպը տեղի է ունեցել երկաթգծի անցումային կետում: Ավտոբուսը տեղափոխում էր դպրոցականների: Տեղում մոբիլիզացված են փրկարարները և բժիշկները:
22:01
Թարմացնել #1
Ֆրանսիայի ներքին գործերի նախարարության տեղեկությամբ, Պերպինիանում գնացքի և դպրոցական ավտոբուսի բախման հետևանքով մահացել է առնվազն 4 երեխա:
Տուժել է և 19 մարդ, նրանցից 7-ի վիճակը ծանր է: Ավտոբուսում գտնվող աշակերտների տարիք 11-ից 15 տարեկան է:
