2026 թվականի հունվարին Վրաստանի տարածքում իրականացված օպերատիվ-հետախուզական միջոցառումների և քննչական գործողությունների արդյունքում Ֆինանսների նախարարության քննչական ծառայության աշխատակիցները բացահայտել են առանց ակցիզի դրոշմանիշի ենթակա մեծ քանակությամբ ապրանքների պահեստավորման, տեղափոխման և վաճառքի 16 փաստ։

Ֆինանսների նախարարության քննչական ծառայության հաղորդմամբ, մեղադրանք է առաջադրվել 18 անձի, որոնցից ութը կալանավորվել են։

«Քննչական գործողությունների արդյունքում հանցագործության մեջ մեղադրվող անձանցից առգրավվել է վաճառքի համար նախատեսված տարբեր ապրանքանիշերի 18,185 տուփ առանց ակցիզի ծխախոտ, որոնց ընդհանուր շուկայական արժեքը կազմում է 117,780 լարի։

Հետաքննությունը ընթանում է Վրաստանի քրեական օրենսգրքի 200-րդ հոդվածի համաձայն, որը նախատեսում է 4-ից 6 տարի ազատազրկում», – նշվում է տեղեկատվության մեջ։