Վրաստանի ֆինանսների նախարարության քննչական ծառայությունը, Եկամուտների ծառայության մաքսային դեպարտամենտի աշխատակիցների հետ համակարգված ջանքերով, օպերատիվ-հետախուզական միջոցառումների և քննչական գործողությունների արդյունքում բացահայտել է Վրաստանի մաքսային սահմանով մաքսային կանոնակարգերի խախտմամբ առանձնապես խոշոր քանակությամբ ապրանքների տեղափոխման փաստ։ Այս մասին տեղեկատվություն է տարածում քննչական ծառայությունը։

Գերատեսչության հաղորդմամբ, մեկ անձ ձերբակալվել է։

«Քննությամբ պարզվել է, որ Թուրքիայի Հանրապետության քաղաքացին Սարփիի մաքսային անցակետով Վրաստանի մաքսային սահմանով մաքսանենգ ճանապարհով տեղափոխել է 3,197.18 գրամ ոսկե զարդեր՝ 546,129.52 լարի մաքսային արժեքով, թաքցնելով մաքսային հսկողությունից, մասնավորապես՝ իր վերահսկողության տակ գտնվող ուղևորատար ավտոբուսի խցիկում հատուկ կազմակերպված թաքստոցում։

«Հետաքննությունը շարունակվում է Վրաստանի քրեական օրենսգրքի 214-րդ հոդվածի 2-րդ մասի համաձայն, որը նախատեսում է 5-ից 7 տարի ժամկետով ազատազրկում», – ասվում է քննչական ծառայության հաղորդագրության մեջ։