Վրաստանի ֆինանսների նախարար Լաշա Խուցիշվիլին ներածական հանդիպում է ունեցել Միջազգային ֆինանսական կորպորացիայի (IFC) փոխնախագահ Ջորջինա Բեյքերի հետ:

Ֆինանսների նախարարության մամուլի ծառայության փոխանցմամբ, հանդիպմանը քննարկվել են Վրաստանի և Միջազգային ֆինանսական կորպորացիայի միջև համագործակցության հարցեր:

Նախարարը շնորհակալություն հայտնեց «IFC»-ի փոխնախագահին՝ Վրաստանում կորպորացիայի ներդրումների համար, այդ թվում՝ ֆինանսական ոլորտում, գյուղատնտեսության, էներգետիկայի, առողջապահության, ենթակառուցվածքների և արտադրության ոլորտներում:

«Կողմերը քննարկել են փոքր ու միջին բիզնեսի վարկավորման հնարավորությունները և նշված ոլորտում ներդրումային ներուժի ավելացումը: Շեշտը դրվեց նաև պետական-մասնավոր գործընկերության ոլորտում գործընկերության ամրապնդման վրա:

Ջորջինա Բեյքերը շնորհավորեց ֆինանսների նախարարին Լոնդոնի ֆոնդային բորսայում Վրաստանի կողմից եվրապարտատոմսերի հաջող տեղաբաշխման կապակցությամբ, ինչը, ըստ նրա, նշանակում է մեծ վստահություն միջազգային ներդրողների կողմից:

Ինչպես նշվեց հանդիպմանը, Միջազգային ֆինանսական կորպորացիան ապագայում կշարունակի աջակցել երկրին՝ ինչպես ներդրումների, այնպես էլ խորհրդատվական և տեխնիկական աջակցության տեսանկյունից», – ասված է հայտարարության մեջ: