Ֆինանսների նախարար Լաշա Խուցիշվիլին հանդիպել է Չինաստանի նոր դեսպան Չոու Ցիենի հետ
Վրաստանի ֆինանսների նախարար Լաշա Խուցիշվիլին հանդիպել է Վրաստանում Չինաստանի նոր, արտակարգ և լիազոր դեսպան Չոու Ցիենի հետ։
Հանդիպմանը մասնակցել են նաև ֆինանսների փոխնախարար Էկատերինե Գունցաձեն և դեսպանատան առևտրի և տնտեսական հարցերով խորհրդական Չաո Չուանը։
Ներածական հանդիպմանը կողմերը քննարկել են առեւտրատնտեսական ոլորտում երկու երկրների համագործակցության հարցերը։
Ֆինանսների նախարարը շնորհավորել է նորանշանակ դիվանագետին Վրաստանում դիվանագիտական առաքելությունն սկսելու կապակցությամբ և հաջողություններ մաղթել հետագա գործունեության մեջ։
Հանդիպմանը քննարկվել են Չինաստանի Ժողովրդական Հանրապետության կառավարության դրամաշնորհային և տեխնիկական աջակցությամբ երկրում իրականացված և իրականացվող ծրագրերը։
Հանդիպմանը նշվել են այն նախագծերը, որոնք Չինաստանի կառավարության աջակցությամբ իրականացնում է ֆինանսների նախարարության եկամուտների ծառայությունը։
Հանդիպմանն ընդգծվել է այն փաստը, որ այս տարի լրանում է Վրաստանի և Չինաստանի միջև դիվանագիտական հարաբերությունների հաստատման 30-ամյակը։
Կողմերը հույս են հայտնել, որ գործընկերության այս պատմությունը հաջողությամբ կշարունակվի ապագայում։
Տեղեկությունը տարածում է Վրաստանի ֆինանսների նախարարության մամուլի ծառայությունը։