Ֆինանսական փաստաթղթերի կեղծման գործով Դոնալդ Թրամփի դատավճիռը կհրապարակվի այսօր
Դոնալդ Թրամփի դեմ ֆինանսական փաստաթղթերի կեղծման գործով դատավճիռը կհրապարակվի այսօր։
Գործով դատավոր Խուան Մերչանն արդեն ասել է, որ Թրամփին ազատազրկման չի դատապարտի։ Չնայած դրան՝ Դոնալդ Թրամփը կլինի առաջին նախագահը, ով կստանձնի պաշտոնը որպես դատապարտյալ։
ԱՄՆ նորընտիր նախագահը չի մասնակցի դատական նիստին և առցանց կմասնակցի Ֆլորիդայի իր տնից։
Դոնալդ Թրամփը մայիսին երդվյալ ատենակալների կողմից մեղավոր է ճանաչվել բիզնես գրառումները կեղծելու մեղադրանքով: Թրամփը մեղադրվում է 2016 թվականի իր նախընտրական հիմնադրամից 130 հազար դոլար ծախսելու մեջ, որը փաստաթղթերում նշված էր որպես իրավական վճար, սակայն իրականում, ըստ հետաքննության, այս գումարը վճարվել է պոռնոաստղ Սթորմի Դենիելսին՝ Թրամփի հետ նրա սեռական հարաբերությունների մասին լռելու դիմաց։ ԱՄՆ նորընտիր նախագահը հերքել է Սթորմի Դենիելսի հետ ինտիմ հարաբերություններ ունենալը, ինչպես նաև ապօրինի օգտագործել նախընտրական ֆոնդը՝ նրա լռության դիմաց։