Սի Ցզինպինը Պուտինին ասել է, որ պատերազմի դադարեցումը «չափազանց կարևոր է» Մերձավոր Արևելքում, բայց ոչ Ուկրաինայում, հաղորդում է Euronews-ը: Հրատարակության տվյալներով՝ Պեկին կատարած պաշտոնական այցի ժամանակ Չինաստանի նախագահը նշել է, որ միջազգային ներկայիս իրավիճակը բարդ և անկայուն է։

Euronews-ի փոխանցմամբ՝ Պուտինի հետ հանդիպման ժամանակ Սի Ցզինպինը անդրադարձել է Մերձավոր Արևելքի հակամարտությանը և ասել, որ ռազմական գործողությունների դադարեցումը «չափազանց կարևոր» է: Նա ասել է, որ իրավիճակը գտնվում է «կրիտիկական պահին» և ներկայումս պատերազմից անցնում է խաղաղության։

«Մերձավոր Արևելքում խաղաղության և կայունության պահպանման և ամրապնդման իմ չորս կետանոց ծրագիրը նպատակ ունի հետագայում կառուցել միջազգային կոնսենսուս և մեղմել լարվածությունը, թուլացնել հակամարտությունը և առաջ մղել խաղաղ կարգավորումը», – Սի Ցզինպինի խոսքերը մեջբերել է «Սինհուա»-ն։

Euronews-ը նաև գրում է, որ Չինաստանը դարձել է Մոսկվայի ամենակարևոր միջազգային գործընկերը Ռուսաստանի կողմից Ուկրաինա լիարժեք ներխուժումից ի վեր, ինչը մեծ մտահոգություն է առաջացրել Արևմուտքում, այդ թվում՝ Բրյուսելում։

Արևմտյան դիվանագետներն ու վերլուծաբանները կարծում են, որ Պեկինի տնտեսական և դիվանագիտական ​​աջակցությունը օգնել է Ռուսաստանին շարունակել իր ռազմական արշավը Ուկրաինայում։ Սակայն, ըստ հրատարակության, չնայած Չինաստանը պաշտոնապես չի աջակցել Մոսկվայի պատերազմին, այն չի օգտագործել իր առկա լծակները՝ Մոսկվային ստիպելու դադարեցնել հակամարտությունը։