Էստոնիայի արտաքին գործերի նախարարություն. Լրագրողների և ակտիվիստների կալանավորումն անընդունելի է, Էստոնիան կոչ է անում անհապաղ ազատ արձակել Բաթումիում և Թբիլիսիում կալանավորված բոլոր լրագրողներին
Խաղաղ ցուցարարների դեմ ճնշումները, այդ թվում՝ Վրաստանում լրագրողների և ակտիվիստների կալանավորումը, անընդունելի են,- ասվում է Էստոնիայի ԱԳՆ հայտարարության մեջ։
Ինչպես նշվում է հայտարարության մեջ, Էստոնիան կոչ է անում անհապաղ ազատ արձակել ձերբակալված լրագրողներին։
«Խաղաղ ցուցարարների դեմ շարունակվող ճնշումները, ներառյալ լրագրողների և ակտիվիստների կալանավորումը Վրաստանում, անընդունելի են։ Էստոնիան՝ որպես «ԶԼՄ-ների ազատության կոալիցիայի» համանախագահ, կոչ է անում անհապաղ ազատ արձակել բոլոր լրագրողներին, ովքեր անարդարացիորեն ձերբակալվել են Բաթումիում և Թբիլիսիում», – ասվում է Էստոնիայի ԱԳՆ հայտարարության մեջ։
