Էստոնիան միշտ եղել է և կա վրաց ժողովրդի, Վրաստանի տարածքային ամբողջականության և ինքնիշխանության աջակցողը. Յուրի Ռատաս
Էստոնիան միշտ եղել է և կա վրաց ժողովրդի, Վրաստանի տարածքային ամբողջականության և ինքնիշխանության աջակցողը. Յուրի Ռատաս

Էստոնիան և Վրաստանը սերտ համագործակցություն ունեն: Էստոնիան միշտ եղել և մնում է վրաց ժողովրդի, Վրաստանի տարածքային ամբողջականության ու ինքնիշխանության կողմնակիցը, – այս մասին հայտարարել է Էստոնիայի խորհրդարանի նախագահ Յուրի Ռատասը:

Նրա խոսքով, ինքը շատ լավ հանդիպում է ունեցել իր վրացի գործընկեր Կախա Կուճավայի հետ:

«Էստոնիան և Վրաստանը շատ սերտ համագործակցություն ունեն: Էստոնիան միշտ եղել և մնում է Վրաստանի, վրաց ժողովրդի, Վրաստանի տարածքային ամբողջականության և ինքնիշխանության կողմնակիցը: Կարծում եմ, որ մենք պետք է ավելի շատ օգտագործենք այս ներուժը` կապերը խորացնելու և ամրապնդելու համար: Մենք միշտ պատրաստ ենք կիսվել ձեզ հետ փորձով: Մեզ անհրաժեշտ է ուժեղ համագործակցություն նաև խորհրդարանական մակարդակով, և մենք պատրաստ ենք դրան», – ասել է Էստոնիայի խորհրդարանի նախագահը:

Վրաստանի խորհրդարանի նախագահ Կախա Կուճավան այցով գտնվում է Վիեննայում, որտեղ մասնակցում է խորհրդարանի նախագահների հինգերորդ համաշխարհային համաժողովին:

Խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեի խոսքով ՝ եվրոպական երկրների խորհրդարանների նախագահների հետ զրույցի հիմնական թեման կլինի Վրաստանի եվրաինտեգրումը, իսկ Կախա Կուճավան ՝ ասիական և աֆրիկյան երկրների խորհրդարանների նախագահների հետ հանդիպմանը ավելի մեծ ուշադրություն կդարձնի մեր օկուպացված տարածքների չճանաչման քաղաքականությանը: