«ALDE-ն քաղաքական խումբ է, որը անդամ պետությունների կուսակցություններին դասեր է կարդում», – այս մասին հայտարարել է էստոնացի եվրոպատգամավոր, Էստոնիայի կենտրոնիստական կուսակցության անդամ Յաակ Մադիսոնը։

Եվրոպատգամավորն քննադատել է «Լիբերալների և ժողովրդավարների դաշինքը Եվրոպայի համար» (ALDE) խմբին՝ ընդգծելով, որ իր կուսակցությունը այդ քաղաքական խմբից դուրս է եկել 2024 թվականի սեպտեմբերին, ինչը հստակ քաղաքական ընտրություն էր։

«Դա շատ հստակ քաղաքական որոշում էր։ Ներկայումս մենք պաշտոնապես որևէ քաղաքական ընտանիքի չենք պատկանում։ ALDE-ն քաղաքական խումբ է, որը անդամ երկրների կուսակցություններին դասեր է կարդում՝ ասելով. «մեզ դուր չի գալիս այն, ինչ դուք անում եք, մեզ չեն հետաքրքրում ընտրությունների արդյունքները կամ ժողովրդավարությունը, մեզ հետաքրքրում է միայն մեր գաղափարախոսությունը»։ Ակնհայտ է, որ Էստոնիայի կենտրոնիստական կուսակցությունը չի կարող լինել այն խմբի մաս, որի անդամ է բարեփոխումների կուսակցությունը», – հայտարարել է Մադիսոնը։