Էմանուել Մակրոնն ասում է, որ Իսրայելի գործողությունը Ղազայում երկու ժողովուրդներին էլ կտանի աղետի
Ֆրանսիայի նախագահ Էմանուել Մակրոնն ասում է, որ Իսրայելի գործողությունը Ղազայում երկու ժողովուրդներին էլ կտանի աղետի։
Էմանուել Մակրոնը հայտարարություն է տարածել Հորդանանի թագավոր Աբդուլլահ II-ի և Եգիպտոսի նախագահ Աբդել Ֆաթթահ Ալ-Սիսիի հետ բանակցություններից հետո։
«Մենք կիսում ենք այն համոզմունքը. Իսրայելի կողմից նախապատրաստվող ռազմական գործողությունը Ղազայի հատվածում կարող է միայն աղետի հանգեցնել երկու ժողովուրդների համար և սպառնում է ամբողջ տարածաշրջանը ներքաշել մշտական պատերազմի մեջ», – գրել է Մակրոնը։
Ֆրանսիայի նախագահը կրկնել է Ղազայի հատվածում երկարատև հրադադարի կոչը։ Նա նաև պատերազմի ավարտի նախապայմաններ է նշել բոլոր պատանդների ազատ արձակումը, Ղազայի բնակչությանը լայնածավալ մարդասիրական օգնության տրամադրումը, ինչպես նաև Համասի զինաթափումը և Պաղեստինյան ինքնավարության ամրապնդումը։