Էմանուել Մակրոնը Սիրիայի նախագահին կընդունի Փարիզում մայիսի 7-ին
Ֆրանսիայի նախագահ Էմանուել Մակրոնը մայիսի 7-ին Փարիզում կընդունի Սիրիայի նախագահ Ահմեդ Ալ-Շարաային։
Ինչպես հաղորդում են լրատվամիջոցները՝ հղում անելով Ֆրանսիայի նախագահի վարչակազմի տեղեկատվությանը, հանդիպման ընթացքում Մակրոնը կրկին կհաստատի Ֆրանսիայի աջակցությունը ազատ, կայուն և ինքնիշխան Սիրիայի կառուցմանը, որը հարգում է սիրիական հասարակության բոլոր բաղադրիչները։
Ահմեդ Ալ-Շարաան հրավեր է ստացել Ֆրանսիայի նախագահ Էմանուել Մակրոնից փետրվարին։ Մակրոնը առաջին եվրոպացի առաջնորդն էր, որը խոսեց Սիրիայի նոր նախագահի հետ։