Ֆրանսիայի նախագահ Էմանուել Մակրոնի խոսքով՝ Կրեմլը հակված է արտաքին ազդեցություն տեսնել մարդկանց ցանկացած շարժման մեջ։

Նրա խոսքով, վերջին օրերին Վրաստանում եղել են «անհանգստացնող իրադարձություններ» և «շատ ուժեղ ճնշումներ»։

Մակրոնին հարց է ուղղել «France Presse»-ի լրագրողը Վրաստանում տեղի ունեցող զարգացումների վերաբերյալ։ Մասնավորապես, Ֆրանսիայի նախագահին հարցրել են Մոսկվայի գնահատականի մասին, թե իբր վերջին օրերին Վրաստանում տեղի ունեցած բողոքի ակցիաները կառավարվում են դրսից։ Մակրոնին նաև հարցրել են, թե արդյոք ինքը Պուտինի ձեռքը տեսնո՞ւմ է Վրաստանի խորհրդարանի կողմից հետ կանչված օրինագծում։

«Կրեմլի միտումն այն է, որ ժողովրդի ցանկացած շարժում դիտվի որպես մանիպուլյացիա դրսից, քանի որ նրանք կարծում են, որ չկա հասարակական կարծիք, չկա ազատ ժողովուրդ։ Մենք հնագույն դեմոկրատական ​​երկիր ենք և հակառակն ենք հավատում, սակայն վերջին օրերին Վրաստանը տուժել է անհանգստացնող իրադարձություններից։ Տեսանք կադրեր, որտեղ երիտասարդ կնոջ ձեռքում եվրոպական դրոշն էր, ինչը մեզ անտարբեր չթողեց։ Վրաստանը շատ ուժեղ ճնշում է ապրել, և մենք հուսով ենք, որ մենք ճանապարհ կգտնենք ավելի շատ խաղաղության»,- ասել է Մակրոնը։