Վարչապետ Կոբախիձե, Վրաստանի ապագան որոշելու իրավունքը պատկանում է միայն վրաց ժողովրդին։ Նույնը վերաբերում է ԵԱՀԿ բոլոր մասնակից պետություններին, – այս մասին գրել է ԵԱՀԿ գործող նախագահ, Ֆինլանդիայի արտգործնախարար Էլինա Վալտոնեն սոցիալական ցանցում։

Ինչպես նշել է Վալտոնեն իր գրառման մեջ, այդ իրավունքն իրացնելու համար ժողովուրդը պետք է ունենա խոսքի ազատություն, ազատ և արդար ընտրություններ՝ քաղաքական այլընտրանքների ընտրության հնարավորությամբ։

«Հելսինկիի եզրափակիչ ակտ (1975թ.) նշում է.

[Մասնակից պետությունները] պարտավորվում են խթանել և աջակցել բոլոր անձանց քաղաքացիական, քաղաքական, տնտեսական, սոցիալական, մշակութային և այլ իրավունքների ու ազատությունների արդյունավետ իրագործմանը։

Նրանք վերահաստատում են, որ այդ իրավունքներն ու ազատությունները բխում են մարդու անքակտելի արժանապատվությունից և անհրաժեշտ են ազատ ու ժողովրդավարական հասարակությունների զարգացման համար։

Այս ոգով, որպես ԵԱՀԿ նախագահ և վերոնշյալ փաստաթղթի ստորագրումից 50-ամյակի կապակցությամբ, հրավիրում եմ Ձեզ, պարոն վարչապետ Կոբախիձե, Ֆինլանդիա՝ հանդիպելու ազատ մամուլի ներկայացուցիչների հետ և դիտարկելու ցանկացած ցուցարարություն, որը կցանկանաք։

Հ.Գ. Ներում եմ խնդրում, որ մեր հանդիպումը Թբիլիսիում չկայացավ ծանրաբեռնված գրաֆիկի պատճառով», – գրել է Էլինա Վալտոնեն։