Վրաստանի էկոնոմիկայի և կայուն զարգացման նախարարի տեղակալ Թամար Իոսելիանին հանդիպել է Google կորպորացիայի ներկայացուցիչների հետ, ովքեր Հայաստանում իրականացնում են «Build With AI for Public Sector» տարածաշրջանային ծրագիրը։

Ծրագրի նպատակն է խորացնել արհեստական բանականության վերաբերյալ գիտելիքները պետական հատվածում և խթանել տվյալահեն կառավարման զարգացումը։

Հանդիպման ընթացքում Google-ի ներկայացուցիչները նախարարի տեղակալին ներկայացրել են տարածաշրջանային ծրագիրը, որի շրջանակում՝ Google-ը Վրաստանի էկոնոմիկայի և կայուն զարգացման նախարարության հետ համագործակցությամբ, կազմակերպել է աշխատանքային հանդիպում Վրաստանի պետական հատվածի ներկայացուցիչների հետ։ Հանդիպման մասնակիցները ծանոթացել են միջազգային լավագույն փորձին՝ արհեստական բանականության կիրառմամբ պետական կառավարման արդյունավետության և արդյունքայնության բարձրացման ոլորտում, ինչպես նաև քննարկել են այս տեխնոլոգիաների ներդրման հնարավորություններն ու ռիսկերը։

Ինչպես նշել է նախարարի տեղակալը, Վրաստանի կառավարությունը հաջողությամբ իրականացնում է թվային ծրագրեր, որոնք ուղղված են երկրի թվային փոխակերպման արագացմանը, նորարարությունների խթանմանը և գլոբալ մակարդակով մրցունակության բարձրացմանը։

«Մեր նպատակն է Վրաստանը ձևավորել որպես տարածաշրջանային թվային հանգույց, որը Եվրոպան և Ասիան կմիացնի բարձր թողունակությամբ օպտիկամանրաթելային ցանցերով և հիպեր-մաշտաբային տվյալների կենտրոններով», – ընդգծել է Թամար Իոսելիանին։

Նա նաև շեշտել է թվային գրագիտության մեջ ներդրումների շարունակման, նորարարությունների խրախուսման և ապացույցների վրա հիմնված կառավարման հետագա ամրապնդման անհրաժեշտությունը և ընդգծել այսօրվա միջոցառման կարևորությունը այդ ուղղություններով։

Google-ի ծրագիրը նախատեսում է բարձրացնել հանրային ծառայողների տեղեկացվածությունը ամպային համակարգերի, արհեստական բանականության մոդուլների, Google-ի՝ առցանց խարդախությունների դեմ պաշտպանության համակարգերի հնարավորությունների, դրանց նշանակության և կիրառման վերաբերյալ։ Այն նաև ընդգրկում է արհեստական բանականության կիրառմամբ մեծածավալ տվյալների մշակման և Google-ի աշխարհահեն տեխնոլոգիաների ներուժը, ինչը կօգնի Վրաստանի պետական հատվածի ներկայացուցիչներին իրենց մասնագիտական պարտականությունների իրականացման ընթացքում։

Տեղեկությունը տարածում է Վրաստանի էկոնոմիկայի և կայուն զարգացման նախարարությունը։