Ըստ ուկրաինացի զինվորականների՝ նրանք շարքից հանել են Խերսոնի մարզում գտնվող Նովո Կախովկայի ամբարտակի կամուրջը
Ըստ ուկրաինացի զինվորականների՝ նրանք շարքից հանել են Խերսոնի մարզում գտնվող Նովո Կախովկայի ամբարտակի կամուրջը։ Այս մասին հայտարարություն է տարածվել Ուկրաինայի «Հարավային» զինված ուժերի հրամանատարական շտաբում։
Մինչ այդ ռուսական պետական լրատվամիջոցները հայտնել էին Նովո Կախովկայում տեղի ունեցած պայթյունների մասին։ Նրանց վարկածի համաձայն՝ Խերսոնի հիդրոէլեկտրակայանի մոտ հարվածները հասցվել են ուկրաինական բանակի կողմից՝ օգտագործելով ամերիկյան HIMARS համակարգը։
Խերսոնի շրջանում Դնեպրի վրա կան երեք անցումներ։ Դրանք են Անտոնովսկու ճանապարհային և երկաթուղային կամուրջը, ինչպես նաև Կախովկայի ջրամբարի ամբարտակի կամուրջը։
Շրջանցումն անցնում է մեկ այլ գետի վրայով։ Սա Ինգուլեց գետի վրա գտնվող կամուրջն է Դարիևկա գյուղում։
Հարձակվելով այդ անցակետերի վրա՝ ուկրաինական բանակը փորձում է սահմանափակել Ռուսաստանի հնարավորությունները՝ մատակարարելու գրավյալ տարածքներում տեղակայված ուժերին։