Ընդդիմության առաջնորդները Բաթումիում հանդիպումներ են անցկացնում բնակչության հետ և կոչ անում մասնակցել մայիսի 15-ին Թբիլիսիում նախատեսված ցույցին
Ընդդիմության առաջնորդները այսօր Բաթումիում հանդիպումներ են անցկացնում բնակչության հետ և նրանց կոչ են անում մասնակցել մայրաքաղաքում մայիսի 15-ին նախատեսված բողոքի ցույցին:
Այսօր ընդդիմության առաջնորդներն իրենց հանդիպումները սկսեցին Բաթումի ագրարային շուկայից:
Նրանց ոմանք շուկայում դիմավորեցին դժգոհությամբ և աղմուկով, իսկ ոմանք էլ կիսվեցին իրենց տեսակետներով:
«Կյանքը շատ դժվար էր: Մենք տոկոսագումարները վճարում ենք բանկին: Եթե գան ու փոխեն, ես անպայման կգնամ հանրահավաքի», – ասաց վաճառականներից մեկը:
Մյուսներն այլ դիրքորոշում ունեին:
«Ցանկանո՞ւմ եք անկարգություններ ու հեղափոխություն: Այս համաճարակի ընթացքում դուք Միշայի ստրուկներն եք», – ասաց շուկայում գտնվող քաղաքացիներից մեկը, ում բանավոր դիմակայեց «Միացյալ ազգային շարժման» ներկայացուցիչը, բայց իրավիճակը չսրվեց:
«Մեր նպատակն է բնակչությանը բացատրել, թե ինչու նրանք պետք է գան հանրահավաքի, ինչու պետք է երկրում շատ բան փոխվի, ինչու նրանք պետք է պատրաստ լինեն բողոքել կուտակված զայրույթի համար, և մենք ուզում ենք բացատրել, թե ինչու է երկիրը հետ ընթանում», – ասաց «Միացյալ ազգային շարժման» անդամ Խատիա Դեկանոիձեն:
Ընդդիմությունը ագրարային շուկայից հետո այսօր նախատեսում է ևս մի քանի հանդիպում Բաթումիում: