Դոնալդ Թրամփը Ջո Բայդենին անվանել է ամերիկյան պատմության ամենավատ նախագահը և կատարյալ աղետ
ԱՄՆ նորընտիր նախագահ Դոնալդ Թրամփը քննադատել է Ջո Բայդենի միգրացիոն քաղաքականությունը Նոր Օռլեանում տեղի ունեցած հարձակումից հետո։
«Բայդենի «բաց սահմանների քաղաքականության» պատճառով, ինչպես ես բազմիցս նշել եմ նախընտրական հանդիպումների ժամանակ և այլուր, արմատական իսլամական ահաբեկչությունը և բռնի հանցագործության այլ ձևերը Ամերիկայում այնքան կվատթարային, որ դժվար թե դա պատկերացնեինք: Այս ժամանակը եկել է, և դա շատ ավելի վատ է, քան մենք պատկերացնում էինք»,- գրել է Թրամփը սոցցանցում։
Բացի այդ, Դոնալդ Թրամփը Բայդենին անվանել է «ամերիկյան պատմության ամենավատ նախագահը» և «կատարյալ աղետ»:
Տեղեկության համար՝ հունվարի 1-ին ԱՄՆ-ի Նոր Օռլեանում բեռնատարը մխրճվել է ամբոխի մեջ, ինչի հետևանքով մահացել է առնվազն 15 մարդ։ Հետաքննությունների դաշնային բյուրոյի տվյալներով՝ նրանք հարձակվողի մեքենայի մեջ հայտնաբերել են «Իսլամական պետության» դրոշ։