Դոնալդ Թրամփը հոկտեմբերի 30-ին Հարավային Կորեայում կհանդիպի Սի Ցզինպինի հետ
Սպիտակ տան մամուլի քարտուղար Քերոլայն Լևիթիի հայտարարությամբ՝ ԱՄՆ նախագահ Դոնալդ Թրամփը Չինաստանի նախագահ Սի Ծինփինի հետ կհանդիպի հոկտեմբերի 30-ին։
Լևիթիի խոսքով՝ Թրամփի և Սի Ծինփինի հանդիպումը տեղի կունենա Հարավային Կորեայի Բուսան քաղաքում՝ Ասիա-Խաղաղօվկիանոսյան տնտեսական համագործակցության գագաթնաժողովի շրջանակում։
Այցի ընթացքում ԱՄՆ նախագահը նաև կայցելի Մալայզիա և Ճապոնիա, որտեղ նախատեսվում են առանձին երկկողմ հանդիպումներ տարբեր երկրների ղեկավարների հետ։
Ավելի վաղ Դոնալդ Թրամփը հայտարարել էր, որ նախատեսում է Սի Ծինփինի հետ քննարկել Ռուսաստանից նավթի գնումների դադարեցման հարցը։